Auditio é unha publicación científica internacional, con revisión por pares, de acceso aberto e con énfase na divulgación de investigación no campo da audioloxía dunha forma inclusiva. É dicir, desde unha perspectiva multidisciplinar na que profesionais de diferentes especialidades poidan achegar e compartir coñecemento dentro da comunidade audiolóxica. Despois de 20 anos sendo publicada pola Asociación Española de Audiología (AEDA), decidiron renovar a cabeceira, para o que necesitaban un novo logo e un redeseño completo da súa maquetación.