A Universitat Politècnica de València necesitaba renovar o deseño da súa plataforma de revistas científicas Polipapers.
O proxecto ía máis aló dun cambio estético. Tratábase de engadir novas funcionalidades e presentar máis metadatos en cada unha das publicacións da plataforma.
O reto
Debido ao elevado número de publicacións aloxadas, o deseño debía ser flexible para que cada equipo editorial puidese decidir entre presentar os artigos de dous xeitos: en lista ou en formato de tarxetas.
Solución
Renovouse completamente a parte pública da plataforma e, ao mesmo tempo, modificouse o panel de xestión para a introdución de novos metadatos por parte dos equipos técnicos de cada revista académica.
- Permítese o acceso ás revistas destacándoas por temáticas. Desenvolveuse un módulo de selección no panel de control para que cada título —ou cada nova incorporación— apareza nas áreas temáticas seleccionadas.
- Desenvolveuse no panel de control de cada revista diversos campos para que os editores puidesen engadir os indicios de calidade máis actuais das cabeceiras.
- Alixeirouse a vista de resumo dos artigos, de xeito que agora se mostra a información dos autores e autoras nun panel independente con todos os datos relevantes: ORCID, afiliación, correo electrónico, identificación ROR da súa institución, etc.
- Preparouse a plataforma para a publicación dos artigos en diferentes formatos, integrando os novos deseños na folla de estilos do tema.
